free templates joomla

Ғылыми-әдістемелік жұмыс

ӘДІСТЕМЕЛІК ҚЫЗМЕТ

 

     Әдістемелік қызмет – педагогикалық ұжымның барлық мүшелерінің тынымсыз білім беру  жүйесінің маңызды бөлігі. Батыс Қазақстан инженерлік – технологиялық колледжінің әдістемелік жұмысы оқытушылардың шығармашылық мүмкіндігін дамыту факторы ретінде, білім беру үрдісі сапасын арттыруға мүмкіндік жасайтын кәсіби құзырлықты арттыру мен оқытушылық шеберліктің өсуі үшін жағдайлар жасауға бағытталған.

     Батыс Қазақстан инженерлік-технологиялық колледжінің әдістемелік қызметін әдістемелік кеңес бағыттайды. Оның  негізгі міндеттері:

  • колледждің оқу-тәрбиелік әрекетін жетілдіру бойынша нұсқаулар мен ұсынымдарды дайындау, білім сапасын арттыру;
  • колледж оқытушыларына әдістемелік көмек көрсету;
  • колледж оқытушыларының жұмыс бағдарламалары мен дидактикалық материалдарын саралау;
  • білім беру мен тәрбие саласына жаңартулар енгізу және зерделеу;
  • үздік педагогикалық тәжірибені зерделеу, жалпылау, жариялау (тарату);
  • оқытушылар мен оқушылардың ғылыми-әдістемелік және шығармашылық жұмыстарын ұйымдастыру;
  • әдістемелік мәселелер бойынша педагогикалық кеңес шешімін іске асыру.
  •        Оқу  –  тәрбие  үрдісінде  жоғары  нәтижеге  жету,  еңбек нарығында бәсекеге қабілетті мамандарды дайындаудың сапасын арттыру мақсатында Қазақстан Республикасының «Білім туралы» Заңы, Қазақстан Республикасы  Білім және ғылым министрінің №583 бұйрығы, «Білім беру» мемлекеттік бағдарламасы, Қазақстан Республикасы үкіметінің қаулысы, Т және КБ бойынша қағида мен Т және КБ мемлекеттік стандарты  негізінде   Батыс Қазақстан инженерлік-технологиялық колледжде әдістемелік кабинет жұмыс жасайды.
  •           Әдістемелік кабинеттің міндеті – оқытушыларға әдістемелік тәжірибелік көмек көрсету, сапалы маман дайындау барысында туындаған мәселелерді шешу және оқытушылардың тәжірибе жағынан біліктілігінің өсуіне көмектесу. Әдістемелік кабинетте әдістемелік кеңес, семинарлар, конференциялар, педагогикалық оқулар өтеді. «Бастапқы педагог мектебінің» жұмысы ұйымдастырылып, жүзеге асырылады.
  •         Әдістемелік   кабинетте   алдыңғы   қатарлы   тәжірибелі  мамандардың  банкі құрылды. Ашық сабақтар мен сабақтан тыс іс-шаралардың әзірлемелері, әдістемелік жоспарлары; оқытушылардың әдістемелік баяндамалары; ғылыми іс-шаралар материалдары, газет-жорналдарда жарияланған мақалалар тігіндісі; оқытушылардың шығармашылық  жинақ папкасы -  электронды «Портфолио»; «Қазақстан кәсіпкері», «Соқпақ Тропинка» ғылыми-әдістемелік жорналы, «Ғылым және білім» ғылыми-практикалық жорналы, «Жайық ұстазы», «Қазақстан мұғалімі», «Егемен  Қазақстан», «Жайық үні» газеттерінің кезеңдік басылымдарының тігіндісі, бөлім бойынша апталық материалдары жинақталды. Колледждің оқу-тәрбие үрдісінің бейнеқоры жасақталып, ашық шаралардың бейнетаспасы жинақталуда. Сонымен қатар кабинет мультимедиялық проектормен, интерактивтік тақта мен кодоскоппен, теледидар және компьютермен жабдықталған.
  •       Әдістемелік   кабинет  қызметінің  үрдісі  колледждің  біртұтас  әдістемелік тақырыбын жүзеге асыру үшін бағытталған. Колледждің педагогикалық ұжымы «Инновациялық технологиялар негізінде мамандарды кәсіби дайындаудың сапасын жетілдіру»  атты бірыңғай әдістемелік тақырыппен жұмыс жасай отырып, сабақтарда оқытудың төмендегідей инновациялық  технология элементтерін ұтымды қолдана біледі: интерактивті технология, мәселелік оқыту, сын тұрғысынан ойлау қабілеттерін дамыту,  пікірталас өткізу технологиясы, «Пікірсайыс» технологиясы, тренингтік технологиялар, топтық жұмыс технологиясы, оқу материалының сызбалық және белгілік үлгілері негізінде оқыту технологиясы, дуалды жүйе т.б.
  •          Әр оқу жылы сайын біртұтас әдістемелік  күн аясында  ашық сабақтар өткізіледі. Сонымен қатар бөлімдер бойынша өткізілген пәндік апталықтар барысында да  ашық сабақтар, сыныптан тыс шаралар өткізіледі.  Бұл өткізілген іс-шараларда колледж оқытушылары оқытудың жаңа педагогикалық технологияларын, мультимедиялық проектор, компьютер, интерактивті тақта, ОТҚ-ны тиімді  қолданады.
  • 1   28.04.2018 2
  • 3 

    Өткізілген  сабақтарға  колледж  оқытушыларымен  қоса, өзге колледж  оқытушылары, БҚО білім басқармасының Т және КБ әдістемелік кабинет мүшелері мен пән бойынша облыстық бірлестік төрағалары қатысып отырады. Оқытушылармен өткізілген бұл  сабақтар талапқа сай безендіріліп, әдістемелік кабинетке тапсырылады. Сонымен қоса оқытушылардың сабақтан тыс уақытта өткізген шаралары, сынып сағаттары, әңгімелесу, конференция, дөңгелек үстел, диспут сияқты дәстүрлі емес түрде өтілген сынып сағаттары әзірлемелері де әдістемелік кабинетке тапсырылады.

       Әдістемелік кабинет алдыңғы қатарлы тәжірибелі ұстаздардың тәжірибесін    үйрету, оқыту  және тарату  ісімен айналысады.

         Оқытушылардың мақалалары «Педагог», «Ғылым және білім ғасыры», «Ғылыми зерттеулер әлемі», «Білім кілті», «Казақстан кәсіпкері», «Научный вестник Столицы», «Сокпак Тропинка»,  «Жайық ұстазы», «Жайық үні», «Пульс города», «Орал өңірі», «Вопросы педагогики», «Ұстаз», «Қазақ әдебиеті және мемлекеттік тіл», «Наука и образование», «Ғылым және білім» газеттері мен ғылыми-әдістемелік жорналдарында жарық көріп отырады.

    Педагог қызметкерлер өз біліктіліктерін жоспарға сәйкес көтеріп отырады. Аттестаттау жұмысы бекітілген жоспар негізінде жүзеге асады.  Санат иелену (растау) үшін өтініш берген оқытушылардың жасақтаған құжаттары  оқу орны ішінде аттестаттау комиссиясымен және сараптама комиссиясымен толықтай қаралып, тиісті санат бойынша лауазым талаптарына сәйкес келеді деген шешіммен   ТжКББ бойынша  облыстық әдістемелік кабинетке тапсырылады.

    Әдістемелік кеңес отырыстарында оқытушылардың оқу – әдістемелік құралдары мен әдістемелік нұсқаулары қаралып отырады.

    Оқу - әдістемелік көмекші құралдар мен электрондық оқулықтарды қарау мақсатында  әр оқу жылы сайын сараптама комиссиясы құрылады. Дайындалған  көмекші құралдарды сараптама комиссиясы өз отырыстарында  қарастырып, дайын болған жағдайда баспаға ұсынады.

 

Бастапқы педагог мектебі

     Батыс Қазақстан инженерлік-технологиялық колледжінде жас мамандар мен қызметке жаңадан кіріскен педагогтарға көмек көрсету мақсатында «Бастапқы педагог мектебі»  жұмыс жасайды. Оқу жылының басында «Бастапқы педагог мектебі» отырысының жоспары құрылып, оқу орнының директорымен бекітіледі. Жұмысқа тәжірибелі оқытушылар тартылып, жыл бойы жоспар бойынша жұмыс жасалады. Бұл жұмыстың қорытындысы  оқытушылардың өткізген ашық сабақтары, оқу-тәрбиелік іс-шаралары болып табылады.

      «Бастапқы педагог мектебі»  жұмыс өтілін жаңа бастаған жас оқытушыларға келесі мәселелер бойынша көмек береді:

  • Жоспарланған құжаттарды толтыруға қойылатын талаптармен таныстыру (жұмыс бағдарламасы, күнтізбелік – тақырыптық жоспар, оқу журналы, сабақ жоспары, кабинет жұмысының жоспары, кабинет паспорты);
  • Колледждің тәжірибелі оқытушыларының шығармашылық жұмыстарын көрсетужәне жас оқытушылардың тәжірибелі  оқытушылар сабағына  қатысу;
  • Тәжірбиелі оқытушылардың озық тәжірибелерімен танысу;
  • Сабақта қазіргі заманғы жаңа техникалық әдісті ұсыну туралы әңгімелесу және сабақ беру барысында кездесетін тәртіптік мәселелер;
  • «Оқушылардың шығармашылық қабілеттерін дамытудағы интерактивтік түрлері мен әдістері»;
  • Кәсіби тәжірибені  ұйымдастыру мен өткізу;
  • Оқыту тәжірибесінде психологиялық әдістер мен тәсілдерді пайдалану;
  • «Арнайы пәндерді жоспарлау үлгісі»;
  • Колледж  бөлімдері оқытушыларының өзара сабаққа қатысуы туралы талдауы, топ жетекшілерінің тәрбие жұмысын ұйымдастыруы;
  • Колледж оқушыларының ғылыми-зерттеу жұмысының мазмұны, түрі және ұйымдастыру әдісі.

          Сонымен қатар әр жас маманға  тәжірибелі оқытушы бекітіліп, оқу-әдістемелік, тәрбие жұмыстарын үйретіп, бағыттайды. Бекітілген тәлімгерлер 3 ай сайын әдіскерге істеген жұмысы туралы есеп беріп отырады. Әдістемелік кабинетте колледждің аға әдіскері интерактивті тақтамен және мультимедиялық проектордың көмегімен оқытудың жаңа технологиялықәдістерін түсіндіріп, басқа да әдістемелік сұрақтар талқыланады.

гис-технологии
ткани для вышивания