Жоғары инженерлік-технологиялық колледжі
0

 

 

Қашықтан оқытуды ұйымдастыру туралы колледж директорының бұйрығы

«ЖОҒАРЫ ИНЖЕНЕРЛІК-ТЕХНОЛОГИЯЛЫҚ КОЛЛЕДЖІ» МЕББМ

 

БҰЙРЫҚ

 

             

           

 

НОУ «ВЫСШИЙ ИНЖЕНЕРНО-ТЕХНОЛОГИЧЕСКИЙ КОЛЛЕДЖ»

 

ПРИКАЗ
 

 

 

 

№______                                    Орал қаласы                                    16  қараша 2020ж.

«Қашықтықтан білім беру жағдайында оқу – тәрбие процесін ұйымдастыру»

 

03.09.2020 жылғы №44 бұйрыққа өзгерістер мен толықтырулар енгізу туралы

 

 

      Батыс Қазақстан облысының бас мемлекеттік санитариялық дәрігерінің 08.11.2020 жылғы №33-ПГ Вр қаулысына сәйкес оқу процесінің жоспар кестесімен сырттай оқу бөлімінің студенттеріне(барлығы 114)  23.11.2020 жылдан бастап практикалық оқыту сабақтары барлық санитарлық-эпидемиологиялық режимді сақтай отырып штаттық формада ұйымдастырылсын және келесі жұмыстар атқарылсын:

 

  1. ОІЖ директор орынбасары Г.Х. Хайржан аудиториялардағы сабақтар кабинеттік жүйе жойыла отырып, кемінде 1,5 метр қашықтықтың сақталуын ескере отырып жүргізілуін қамтамасыз етсін.
  2. ОІЖ директор орынбасары Г.Х. Хайржан сабақ кестесін құрғанда бір топта 15 адамнан аспауын қадағаласын.
  3. Медбике С.И. Хасайнова студенттерге, педагогтарға, басқа қызметкерлерге санитариялық-гигиеналық талаптарды сақтау туралы нұсқама жүргізсін.
  4. Медбике С.И. Хасайнова күн сайын келу мониторингін және студенттер мен басқа да қызметкерлердің денсаулық жағдайын бақылауды жүргізсін.
  5. Бөлім меңгерушілері оқу жүктемесіне сәйкес сырттай оқу бөлімінде сабақ жүргізетін оқытушылардың уақытылы сабақ кестесіне сәйкес сабақтардың жүргізуін қадағаласын.
  6. ПЦК төрағалары оқу бағдарламаларын сапалы және уақытылы орындалуын қамтамасыз етсін.
  7. Осы бұйрық барлық мүдделі тараптарға жеткізілсін(А.К. Сагнгалиева).

 

 

   Директор                                                            С.А. Алимбеков

Бұйрық ұсынушы:

         Кадр бөлімінің аға инспекторы                                    А.К. Сагнгалиева

 

                     КЕЛІСІЛДІ:

                     Бас бухгалтер                                                      А.У. Байтлесова

                    

                     Заңгер                                                                   Г.Б. Аралбеков

 

Қашықтықтан білім беру жағдайында оқу – тәрбие процесін ұйымдастыру

 

Қазақстан Республикасы Білім және ғылым министрінің 2020 жылғы  «13» тамызда

№ 345 және 03 қыркүйектегі №381 бұйрықтарының 3-қосымша Коронавирустық инфекцияның таралуына жол бермеуге байланысты шектеу шаралары кезеңінде техникалық және кәсіптік, орта білімнен кейінгі білім беру ұйымдарында оқу процесін ұйымдастыру бойынша әдістемелік ұсынымның ТжКБ ұйымдарының оқу-тәрбие процесіне қатысушылардың функцияларына сәйкес «Жоғары инженерлік-технологиялық колледжі» МЕББМ-ң 28.08.2020 жылғы №1 Педагогикалық кеңесінің шешіміне сәйкес 2020-2021 оқу жылында оқу-тәрбие процесін жүзеге асыруда төмендегі функцияларын бекіту бойынша Бұйырамын:

  1. Қазақстан Республикасы Білім және ғылым министрінің 2020 жылғы 13 тамыздағы № 345,  03 қыркүйектегі №381 бұйрықтарының 3-қосымшасымен оқу үрдісіне қатысты барлық тараптар таныстырылсын(жауапты: барлық бөлім жетекшілері, жалпы бақылауға Г.Х.Хайржан);
  2. Барлық курстарда оқу үрдісі қашықтықтан оқыту форматында басталсын және EDUS жүйесінде жүргізілсін (жергілікті атқарушы органдардан қосымша ұсынбалар келгенге дейін);
  3. Қашықтықтан білім беру технологияларын пайдалана отырып, оқу процесін ұйымдастыруға директордың орынбасарлары Г.Х. Хайржан, М.А. Айешев, А.М. Дүйсенгалиева, Ж.К. Балуанова жауапты болып бекітілсін;
  4. Әкімшілік-көмекші қызметкерлер штаттық режимде жұмыс жасайды;
  5. Оқытушылар эпидемиологиялық ахуалға байланысты жұмыс жасайды (үй жағдайында жұмыс жасауға мүмкіндігі болмаса барлық санитарлық нормаларды сақтай отырып колледжде жұмыс жасауға мүмкіндік жасалады(барлық қызметкерлерден 50%-ға дейін), қашықтықтан жұмыс жасағанда жұмыс уақытында байланыс аясында болуы тиіс);
  6. Оқу ғимаратында, жатақханада санитарлық-эпидемиологиялық және алдын алу іс-шараларын күшейту бойынша жауапты болып медбике С.И. Хасайнова бекітілсін;
  7. Бұқаралық іс-шаралар (мерекелік, концерттік, мәдени, спорттық іс-шаралар, конференциялар, семинарлар, көрмелер өткізу және т. б.) өткізуге тыйым салынады;
  8. Білім алушылардың, республикалық, халықаралық спорттық, мәдени, туристік іс-шараларға шығуына тыйым салынады(арнай рұқсаттары болмаған жағдайда);
  9. Қашықтықтан білім беру технологиялары негізінде оқу процесін ұйымдастыру бойынша білім алушылар, ата-аналар арасында ақпараттық-түсіндіру жұмыстарын уақытылы және сапалы ұйымдастырылсын(жауапты: әкімшілік мүшелері, топ тәлімгерлері);
  10. Кеңестер, отырыстар, кездесулер өткізу азайтылсын немесе селекторлық режимде өткізілсін;
  11. Қашықтықтан білім беру технологияларын пайдалана отырып оқытуды сапалы ұйымдастырылсын(сабақтардың мазмұны бойынша) және қамтамасыз етілсін(жауапты: ҒӘЖЖ директор орынбасары А.М. Дүйсенгалиева, пәндік-циклдық комиссия төрағалары);
  12. Мемлекеттік жалпыға міндетті білім беру стандарттарын, оқу бағдарламарын, үлгілік оқу жоспарларын орындауды қамтамасыз етсін (жауапты: ОЖЖ директор орынбасары Г.Х. Хайржан, бөлім меңгерушілері);
  13. Бекітілген штаттық кестеге (тарификациялық тізімге) сәйкес педагогтердің еңбек ақысын төлеуді қамтамасыз етсін (жауапты: директордың қаржылық-экономикалық сұрақтар бойынша орынбасары М.К. Шаймуратова);
  14. Студенттерге шәкіртақыларын уақтылы төлеуді қамтамасыз етсін(жауапты: директордың қаржылық-экономикалық сұрақтар бойынша орынбасары М.К. Шаймуратова);
  15. Бірінші курстарға бюджеттік топқа қабылданған студенттерге банк карточкасын аштырсын(жауапты: бухгалтер Н.К.Базарбаева, топ тәлімгерлері);
  16. Қашықтықтан оқыту жағдайында студенттердің қатысуы мен оқуын бақылауды қамтамасыз етсін(жауапты: бөлім меңгерушілері, топ тәлімгерлері);
  17. Қашықтықтан оқытуды ұйымдастыру бойынша оқытушылар үшін оқыту курстарын онлайн форматта әдістемелік қолдау көрсетсін (жауапты: Г.Х. Хайржан, М.А. Айешев, А.М. Дүйсенгалиева, цифрландыру маманы Н.С. Тайгеренова);
  18. Қашықтықтан оқытуды ұйымдастыру EDUS жүйесінде жүргізуге әдістемелік және техникалық қолдау дер кезінде көрсетілсін(жауапты: Н.С. Тайгеренова, жүйелеу технигі Н.Нұртас);
  19. Қашықтықтан оқыту жағдайында контенттердің уақытылы және толық толтырылуы, электронды және теориялық журналдардың толтырылуы, білім алушылардың үлгерімін ағымдағы және қорытынды бақылауды, аралық және қорытынды аттестаттауды, сондай-ақ бүкіл емтиханды бейне жазбаға жазуды, аралық және қорытынды бақылау материалдарын сақталуын қамтамасыз етсін және бақылауға алсын (жауапты: Технологиялық бөлім бойынша - Г.Х. Хайржан, Әлеуметтік-гуманитарлық және жалпы білім беру бөлімі бойынша – А.М. Дүйсенгалиева, Экономика және сервис бөлімі бойынша - М.А. Айешев, Бөлім меңгерушілері, ПЦК төрағалары);
  20. Сабақ кестесінің колледж сайтына, EDUS жүйесіне толық және уақытында жүктелуін, сондай-ақ сабақ кестесіне білім алушылардың қол жетімділігін қамтамасыз етілсін(жауапты: Г.Х. Хайржан, деспетчерлер);
  21. Жатақхана толық анитарлық-эпидемиологиялық талаптарға сәйкес жабдықталсын, ондағы қауіпсіздік шараларын қамтамасыз етілсін. Қажеттілік туындаған жағдайда(жауапты: ӘШЖЖ директор орынбасары Е.У. Байтлесов);

 

  1. Директордың оқу жұмысы жөніндегі орынбасары - Г.Х. Хайржан:

1) ҚБТ-ны пайдалана отырып, оқу процесін ұйымдастыруды және үйлестіруді жоспарлайды және жүзеге асырады;

2) ТжКБМЖМБС сәйкес ҚБТ ерекшеліктерін ескеретін оқу жұмыс жоспарларын жасайды;

3) ТжКБ ұйымының интернет-платформасында орналастырылатын сабақ кестесін, оқу процесінің кестесін жасайды (қажет болған жағдайда топтар бойынша саралауды және сабақтарды өткізу уақытының ұзақтығын ескере отырып, оқу жоспарына сәйкес сабақ кестесін қалыптастырады);

4) оқу-тәрбие процесінің, үлгерімді ағымдағы бақылаудың, аралық және қорытынды аттестаттаудың өту барысын бақылайды;

5) ТжКБ ұйымының интернет-платформасында орналастырылатын оқу процесіне қатысты электронды құжаттардың уақытында және толық жүргізілуін қадағайды;

6) ҚБТ-ны пайдалана отырып, оқытуды ұйымдастыру туралы есептік ақпарат дайындайды.

  1. Директордың оқу-өндірістік жұмыс жөніндегі орынбасары-М.А. Айешев:

1) ҚБТ-ны пайдалана отырып, өндірістік оқыту мен кәсіптік практикаларды ұйымдастыруды және үйлестіруді жоспарлайды және жүзеге асырады;

2) ТжКБМЖМБС сәйкес ҚБТ ерекшеліктерін ескере отырып дуалды оқу жұмыс жоспарларын жасауға қатысады;

3) білім беру бағдарламаларының мазмұнын анықтауға жұмыс берушілер мен әлеуметтік серіктес кәсіпорындарды тарту жұмыстарын ұйымдастырады;

4) ҚБТ-ны пайдалана отырып, өндірістік оқыту мен кәсіптік практикаларды әдістемелік қамтамасыз ету;

5) ҚБТ-ны пайдалана отырып, өндірістік оқыту мен кәсіптік практикаларды ұйымдастыру туралы есептік ақпарат дайындайды.

  1. Директордың ғылыми-әдістемелік жұмыс жөніндегі орынбасары-А.М. Дүйсенгалиева және пәндік-циклдік комиссия төрағалары:

1) оқу-әдістемелік ресурстарды жүйелі жаңартуды және жүйелеуді қамтамасыз етеді;

2) оқу материалдарын, оның ішінде электрондық оқу-әдістемелік кешендерді, электрондық білім беру ресурстарын қалыптастыру жөніндегі жұмысты ұйымдастырады;

3) педагогтармен бірлесіп білім алушылардың оқу қызметін ұйымдастыруды (оқытудың әдістері мен тәсілдерін, білім алушылардың тапсырмаларды алу және олардың орындалған жұмыстарды ұсыну мерзімдерін) анықтайды;

4) ақпараттық-коммуникациялық технологияларды қолдана отырып, оқу процесін ұйымдастыру барысында әдістемелік сүйемелдеуді жүзеге асырады;

  1. Директордың тәрбие жұмысы жөніндегі орынбасары-Ж.К. Балуанова:
  • ҚБТ-ны пайдалана отырып, тәрбие жұмысын ұйымдастыруды және үйлестіруді жоспарлайды және жүзеге асырады;
  • ҚБТ-ны пайдалана отырып, тәрбие жұмысын жүзеге асыруда топ тәлімгерлеріне әдістемелік көмек көрсетеді;
  • ТжКБ ұйымының интернет-платформасында орналастырылатын сабақ кестесіне тәрбие сағаттарын енгізуді қамтамасыз етеді және топ жетекшілерінің жұмысын қадағалайды;
  • Қашықтықтан оқыту барысында педагогикалық ұжыммен, білім алушылармен және ата-аналармен психологтің жұмысын ұйымдастырады және қадағалайды;
  • ҚБТ-ны пайдалана отырып, тәрбие жұмысын ұйымдастыру туралы есептік ақпарат дайындайды.
  1. Бөлім меңгерушілері:

1) білім алушылардың оқу бағдарламаларын меңгеруіне бағытталған іс-шараларды әзірлеуді ұйымдастырады;

2) оқу-тәрбие процесінің барлық қатысушыларын (педагогтерді, білім алушыларды, білім алушылардың ата-аналарын (заңды өкілдерін), өзге де қызметкерлерді) жұмысты ұйымдастыру және оқыту нәтижелері туралы хабардар етуді жүзеге асырады;

3) бекітілген жұмыс кестесіне сәйкес педагогтердің қызметін ұйымдастырады;

4) педагогтердің оқу жүктемесін орындауы бойынша жұмысты үйлестіреді;

5) оқу-тәрбие процесіне қатысушылармен кері байланысты жүзеге асырады;

6) ҚБТ-ны пайдалана отырып, оқытуды ұйымдастыру туралы есептік ақпарат дайындайды.

  1. Педагогтар:

1) цифрлық білім беру ресурстарын, қажетті оқу-әдістемелік материалдары (оның ішінде бейнематериалдары) бар оқу-әдістемелік кешендерді электрондық түрде әзірлейді және сабақтар өткізеді;

2) білімді бақылау құралдарын әзірлейді;

3) білім алушыларға әрбір тақырып бойынша жұмыс уақытын, жұмыстарды орындау мерзімін көрсете отырып, тиісті бөлімдерді меңгерудің тақырыптық кестесін әзірлейді және таратады;

4) білім алушылармен, оның ішінде ерекше білім беру қажеттіліктері бар балалар үшін синхронды және асинхронды консультациялар өткізеді;

5) оңтайлы және әртүрлі жұмыс түрлерін, қолжетімді ақпараттық-коммуникациялық технологияларды қолданады;

6) сабақ бойынша жоспарлауды түзетуді және оқу материалдарын құрылымдауды уақтылы жүзеге асырады

7) қолданылатын жұмыс түрлері туралы, онлайн сабақтарды өткізу нысаны мен мерзімдері, офлайн сабақтарға қатысу, үй жұмыстарын тапсыру мерзімдері туралы ақпаратты білім алушылардың, олардың ата-аналарының (заңды өкілдерінің) назарына уақтылы жеткізеді);

8) оқу-әдістемелік ресурстарды (оның ішінде бейнематериалдарды) тұрақты жаңартуды қамтамасыз етеді);

9) білім алушылардың оқу жұмыстарын орындауын әрбір пән немесе модуль үшін көзделген бағалау критерийлеріне сәйкес бағалайды;

10) ҚБТ-ны оқу процесінде пайдалану саласында оқудан және (немесе) біліктілігін арттырудан өтеді;

11) үлгерім мен сабаққа қатысуды бақылайды;

12) білім алушылармен жедел байланыс жасайды;

13) бекітілген оқу кестесіне сәйкес сабақтар өткізеді, өзіндік жұмысты бақылауды жүзеге асырады;

14) оқу жүктемесін орындайды;

15) қашықтықтан оқытуға байланысты құжаттаманы жүргізеді.

28.Топ жетекшісі қызметін орындайтын педагогтер:

1) ата-аналарды (заңды өкілдерді) жұмыс режимі туралы, кестедегі өзгерістер туралы, оқу процесін ұйымдастыру туралы, білім алушылардың оқу қызметінің, оның ішінде ақпараттық-коммуникациялық технологияларды, телекоммуникациялық құралдарды қолдану және білім алушылардың өзіндік жұмысы жағдайындағы барысы мен қорытындылары туралы хабардар етеді;

2) білім алушылармен және олардың ата-аналарымен (заңды өкілдерімен) байланысты жүзеге асырады;

3) үлгерім мен қатысуды бақылайды.

  1. Білім алушылар:

1) құралдардың көмегімен оқу курстарын өз бетінше зерделейді;

2) онлайн және (немесе) офлайн режимінде қашықтықтан оқыту сабақтарына қатысады;

3) оқу процесінің графигі мен кестесіне сәйкес бақылаудың барлық түрлерін тапсырады;

4) педагогтармен байланыста болады;

5) қолжетімді байланыс құралдары арқылы сабақ кестесімен, тақырыптарымен, мазмұнымен уақтылы танысады;

6) тапсырмаларды, оның ішінде ТжКБ ұйымы белгілеген қолжетімді байланыс құралдары арқылы, өз бетінше орындайды;

7) педагогке орындалған тапсырмаларды қолжетімді байланыс құралдары арқылы уақтылы ұсынады;

8) қол жетімді сандықты білім беру ресурстарды пайдаланады.

 

  1. Білім алушылардың ата-аналары (заңды өкілдері):

1) жұмыс кестесімен, сабақ кестесімен, оқу-тәрбие жұмысын ұйымдастыру процесімен танысады;

2) білім алушылардың тапсырмаларды орындауын бақылауды жүзеге асырады;

3) педагогтермен, топ жетекшілерімен байланыс жасайды;

4) оқу үшін жағдай жасайды;

5) санитариялық-эпидемиологиялық салауаттылықты қамтамасыз ету жөнінде шаралар қабылдайды, білім алушылардың денсаулығы үшін қажетті жағдайлар жасайды және оларды инфекциялық ауруларды жұқтырудан сақтайды.

 

 

 

 

03.09.2020ж.

Ниже вы можете задать ваш вопрос, мы постараемся ответить максимально оперативно.

В этой форме вы можете задать ваш вопрос:
Защитный код
Обновить картинку